Mboe 57:8-11

⁸Ko aŋmaŋga pa mbeŋ, mi aŋzze kombom tio ma ila irao zoŋ pok ma ise.

⁹Merere, nio ko aŋpakuru ila karkari mazwan. Ko aŋbo mboe mi aŋwit urum isala kor ila toono ta boozomen ka tomtom bizin mazwan.

¹⁰Pa muŋaiŋana mi kampeŋana ku, ina biibi kat. Isala ta saamba a. Mi mbulu ku ta toto sua ku mbukŋana na ta kembena. Isala ta kor a.

¹¹Anutu, maŋga mi swe azuŋka ku mi mburom ta zom biibi pa i sala saamba. Mi swe ma irao pa toono ta boozomen tomini.