SALMOS 57:8-11

⁸Na nimocualtalía para nijtzotzonas noarpa huan noguitarra. Cualca niijsa para nimitztatzotzonilis.

⁹Na nimitztascamatis iniixpa masehualme pampa ta, Toteco, techchihuilijtoc miyac tamanti cati cuajcualtzi. Huan nihuicas para nimitzhueyimatis iniixpa masehualme ten nochi talme.

¹⁰Motaicnelijcayo nelhueyi quej ipatajca ilhuicacti huan huejcapantic hasta quipano mixti. Ta tahuel titemachti.

¹¹Toteco Dios, nochi ma mitzhueyichihuaca ipan nochi ilhuicacti. Mohueyitilis ma quitemiti ni taltipacti.