Mboe 38:2-11

²Pa iŋgi peene ku lutuunu iŋgal yo, mi nomom ipun kat yo ma aŋsu.

³Nu ketem malmal pio biibi, tana kuliŋ ta boozomen ire yoyouŋana. Sanaana tio, ta ikam ma mete ipasaana kat yo.

⁴Pataŋana ta aŋbaada pa sanaana tio, ina ilol yo. Aŋrao be aŋbaada mini na som.

⁵Nio aŋkam mbulu kankaanaŋana mi aŋzooru, tanata mbetmbeete surunsurunŋan ta kuzin sananŋan i ikam yo ma aŋsaana kat.

⁶Yoyouŋana ikam yo ma tau, aŋkaraŋeeze pa mi aŋtuntuundu men. Motoŋ se kor som. Aigule ta boozomen, aŋtaŋtaŋ pa berek ma ila mbeŋ.

⁷Kuliŋ ta boozomen ibayou kat kembei ta you i. Sa imbot ambai som.

⁸Mete ti ipun yo ma mburoŋ imap kat. Tana leleŋ ipata kat mi aŋyakyak men.

⁹Yooba, koroŋ ta nio leleŋ pa ilip na, nu ute kek. Pa tiŋiizi tio ike pu som.

¹⁰Iŋgi keteŋ ikamam uraata biibi kat ma mburoŋ imap. Tabe ikam ma motoŋ zugutgut.

¹¹Zin gaabaŋoŋ mi toŋmatiziŋ tio tire mete tio ti na, timbotmbot molo pio. Mi wal ta ruumu kizin igarau yo na, zin tomini tiloulou yo som.