Text copied!
CopyCompare
Gwo Ma Arumgimis - GWAY GI IDAWUU’D - GWAY GI IDAWUU’D 38

GWAY GI IDAWUU’D 38:2-11

Help us?
Click on verse(s) to share them!
2Haala thop̱am pini ḵarana dum ’per pem ’kup̱ mo, dhali me’d pini p̱u’dkina p̱om pem mo be.
3Dhali moŋkamu/ mura shuman buŋgwar is pem is mowa? haala nyor pini jin shwana /e caaca mo. Dhali mowac̱a kamu/ di’d goma simam pema? gom miinthus pem mo be.
4Haali/ miinthus pem loski aha/ ki ’kup̱i lu/ mo, dhali uni ’thiraa/ diṯ mmoḵal mo be.
5Jamam pem ’kakin mo dhali bulabul mo dhali taga ’bi/ nycine/ mo gom miim p̱us pem mo.
6Aha/ kumkunu ’twa/a ’cesh mo dhali ’dac̱al ’ko’da ’cesh mo. Isa yempa/ yula tente/ mo tani aha/ yakina gwolu/ mo.
7Haali/ empa’d pem a’di ’tu’dkunu ki mo jin ’batha’ba’th mo, dhali moŋkamu/ mura shuman buŋgwar is pem is mowa?
8Aha/ kumkunu ’twa/a ’ceshi ’baar mo dhali sirica p̱o/ ki sho’k mo. Aha/ ohonkina mo goma dulaṯṯ ma nyor ma dum pem mo.
9Tap̱a, aris mom pem kun gwon ma du mo tani mishu ki /e mo. Dhali ashurem pem jin wuka/ mo tani ’konuki bag ’peni /e mo be.
10Adum pem shwa’d ki ju’k ju’k mo dhali mom’bi’th pem ushi me’d mo e aha/ mo dhali apinya/ em pem jin shwa’d ki o’d mo tani, uni si’da/ uskin ’peni aha/ mo be.
11Imugum pem dhali uni gun nyaḵ aha/ ii ka yempa/ mo tani uni doshkin ki moŋḵo/ is ’peni isa nyor pem kun wo’cki aha/ she/ mo, dhala bas pem si’da/ uni doshkin isa dhana/ mo.

Read GWAY GI IDAWUU’D 38GWAY GI IDAWUU’D 38
Compare GWAY GI IDAWUU’D 38:2-11GWAY GI IDAWUU’D 38:2-11