Mboe 25:1-8

¹Mboe ki Dabit O Yooba, iŋgi suŋŋana tio ima ku raama leleŋ.

²Anutu tio, nio aŋpase pu be uulu yo. Kokena koŋ koi bizin tilip pio, to menmeen zin mi nio koŋ miaŋ.

³Zin wal ta so tipase pu mi tiur matan pu, nako kan miaŋ som. Pa nu ko uulu zin. Mi zin wal ta tirekreege sua kizin mbukŋana na, zin ta ko kan miaŋ.

⁴Yooba, so yo pa zaala ku. Pei ŋgar tio pa bekena aŋto kat.

⁵Kam peeze pio bekena aŋpa pai tio ma indeeŋe men pa sua ku ŋonoono. Mi paute yo pa ŋgar ku. Pa nu ta Anutu tio mi ulaaŋa tio. Tanata aŋurur motoŋ pu totomen.

⁶Yooba, ta muŋgu mi imar na, nu muŋaiŋana katuunu. Mi nu toto sua ku mbukŋana mi urur lelem pa wal ku. Motom iŋgalŋgal mbulu ku tana.

⁷Sanaana ta nio naŋgaŋŋoŋ mi aŋkamam na, motom mbiriizikaala. Mi zooroŋana tio ta boozomen na, motom la pa mini pepe. Yooba, nu toto sua ku mbukŋana mi urur lelem pa wal ku. Tana motom ŋgal yo lak! Pa kampeŋana katuunu ta nu na.

⁸Yooba, ni ambaiŋana mi ndeeŋeŋana. Tana zin wal ta mbulu kizin irao pa mataana som na, ni ipazalzal zin.