Mboe 21:6-13

⁶Kampeŋana ku ko imbotmbot se kini ma alok. Mi nu mbotmbot raami. Tana ni leleene ambai kat.

⁷King, ni ipase pa Yooba. Tana kosa sa ko irao be ikami ma itop na som. Pa Anutu kor kana kat itoto sua kini mbukŋana mi iurur leleene pini totomen.

⁸O king, nomom ko ikis kom koi bizin ta boozomen. Zin wal ta tiurur koi pu na, nomom woono ko irokiskis zin.

⁹Nu sombe swe mburom, nako pasaana zin kembei ta you. Pa Yooba itunu ko keteene malmal pizin mi ipambiriizi zin. Ko ikam ma you ikan zin.

¹⁰Mi lutun bizin ta boozomen tomini, nu ko kas zin ma timap lup. Tana kaimer popoŋana kizin sa ko imbot toono mini som.

¹¹Ŋonoono, zin tipaata kom, mi timbuk kom kiizi be tipasaanu. Tamen ŋgar kizin ko iur ŋonoono som.

¹²Pa tire peene lutuunu ta sara la matan na, tanata timoto mi tiko ma tila len.

¹³Yooba, maŋga mi swe mburom! Mi niam ko ambo mboe mi amwit urum. Pa nu mburom keskeezeŋom.