Mboe 141:3-8

³O Yooba, mboro kat mioŋ mi menderkaala kwoŋ. Kokena sua sananŋana sa iyooto pa.

⁴Mi zem ŋgar sananŋana sa ma izeebe yo pepe. Kokena aŋgaaba zin wal sananŋan pa mbulu kizin. Uulu yo be aŋmender mbolŋana. Kokena tiyaaru yo ma aŋla aŋgaaba zin mi niamŋan amkan kini kizin mbuyeeneŋana.

⁵Tomtom ndeeŋeŋana sa, sombe ibalis yo mi iyaamba yo be ipazal yo, inako leleŋ ambai men. Pa ina iswe kembei ni iur kat leleene pio. Tamen zin wal sananŋan na, irao aŋyok be tipomoozo yo mi tiliŋ ŋgere kizin ambaiŋana sala uteŋ na som. Pa nio aŋzuŋzuŋu totomen be koto mbulu kizin sananŋana.

⁶Zin wal sananŋan, sombe Ni ta Tiiriŋana Katuunu i, iur kadoono pizin mi igiibi zin sula lele taraŋgatŋana, to tikilaala ta kembei: Sua ta muŋgu aŋkamam pizin bekena aŋpazal zin na, sua ambaiŋana mi sua ŋonoono.

⁷Wal tana tiron ko timbot leŋaleŋa su Andewa kwoono kembei toono ta bapalo itaara na.

⁸O Yooba, Merere tio, nio aŋurur motoŋ pu be we ur pio mi menderkaala yo. Tana zem yo ma aŋmeete pepe.