Mboe 138:2-7

²Nio motoŋ ima pa urum ku mi aŋlek kumbuŋ pu. Mi leleŋ ambai pu mi aŋpakur zom! Pa nu toto sua ku mbukŋana, mi urur lelem pa wal ku mi muŋaiŋai zin. Nu zom biibi kat. Tamen mbulu pakan ta mbuk sua pa be kam, inako ikam ma zom biibi ma ilip.

³Indeeŋe ta aŋtaŋroro u be uulu yo na, nu leŋ suŋŋana tio, mi pombol yo, mi kam yo ma niŋ ise.

⁴O Yooba, king ta boozomen ki toono, sombe tileŋ sua ta ipet pa kwom, nako lelen ambai pu mi tipakuru.

⁵Ko timbo mboe mi tipakuru pa zom biibi, mi mburom, mi mbulu ta kamam pizin na.

⁶Ŋonoono Yooba, nu biibi mi mbotmbot sala kor kat. Mi motom iŋgalŋgal zin wal sorrokŋan. Tamen zin wal tau tipakurkur zitun na, nu ute zin lup. Pa nu motom molo.

⁷Sombe pataŋana boozo isalakaala yo, na nu ko uulu yo ma aŋbot ambai mini. Mi sombe koŋ koi bizin keten malmal kat pio, mi tikamam be tipasaana yo, na nomom woono mbolŋana ko iporoukaala yo ma aŋbot ambai.