Mboe 12:5-7

⁵Mi Yooba, ni iso ta kembei: “Zin wal ta len mburan biibi som, mi tomtom tipasansaana zin mi tiurur pataŋana pizin na, iŋgi be aŋmaŋga mi aŋuulu zin. Pa zin wal ta timbot ŋoobo na, aŋleŋ tiŋiizi kizin kek. Tana nio kola amkamke zin, mi aŋuulu zin ma timbot ambai.”

⁶Mi sua ki Yooba, ina ambai komboono, kembei silba ta tineene pa lamata mi ru bekena imilmil ma iŋgeeze kat. Tana iti irao tuurla sua kini mi tapase pa.

⁷Ŋonoono, mazwaana taiŋgi, wal sananŋan nin zze mi tiwwa pa lele ta boozomen. Mi mbulu soroksorok ta tikamam na, tomtom tire mi tipakurkur zin pa. Tamen Yooba, nu ko motom piam, mi poroukalkaala yam pa wal ta kembei ma alok.