Ola Saam 12:5-7

⁵YAWEI im tok lagijat, “Wal ai garra gidap na. Ola powan pipul en najalot pipul abumbat adtaim brom nogudbala pipul. Aibin lisin olabat jingat langa mi, en ai garra album olabat na.”

⁶Ola pramis blanga YAWEI jidan trubala en ola pipul gin trastim tharran na. Detlot pramis jidan trubala, nomo garram eni rong, jis laik det gol ston weya deibin barnim brabliwei garram hotwan faiya blanga meigim im kamat klinwan.

⁷Nogudbala pipul jidan ebriweya, en ebribodi tok gudwei blanga ola brabli nogudbalawei. YAWEI, kipum melabat seifwan, en andimwei detkain nogudbala pipul brom melabat.