Mboe 12:1-3

¹Mboe ki Dabit O Yooba, uulu yam lak! Pa wal tau tiurur lelen pu mi titoto mbulu ku na, kizin tasa imbot mini som. Mi tomtom ta tizzo sua ŋonoono men na, ta kembena. Timbiriizi lup. Kizin tasa imbot mini som.

²Tomtom ta boozomen tizzo sua ta ŋonoono somŋana i, mi tikamam sua pakaamŋana par pizin. Kwon na, imbesmbeeze pizin tomtom. Mi lelen na, ipa ndel.

³Yooba, yembut sua mbuyeeneŋan boozomen ta iwedet pa kwon i. Zin wal ta tipakurkur zitun mi tizzo: “Niam tomtom ki sua. Mbulu pareiŋana ta so amso pa, na tomtom ko tikam men. Asiŋ ko irao ipeteke yam? Som.” Wal ta kembena na, pumun kwon.