Mboe 119:127-130

¹²⁷Gol ta iŋgeeze kat, ina koroŋ zaanaŋana mi wal boozomen lelen pa. Tamen nio na, leleŋ pa tutu ku ma ilip pa gol.

¹²⁸Tana sua boozomen ta nu ur, ta ikamam peeze pio pa pai tio. Mi aŋurur koi pa zaala boozomen ta iyaryaaru yo be aŋpizil ndemeŋ pu.

¹²⁹Tutu ta ur pa wal ku, ina ndabokŋana kat. Tana motoŋ iŋgalŋgal mi aŋtoto.

¹³⁰Sua ku, sombe tipeeze, to iur mat pizin tomtom. Mi zin wal tau len ŋgar biibi som na, sua ku iwe zaala pizin be tikam len ŋgar ambaiŋana.