Mantá Tanla 4:8-16

⁸Junni Pedro Diosichi Tencabe jera seque mantaito itsantinue: —Israelita mantaminla, israelita unicala,

⁹¿nula chiquilabe tíca miino muquilaquin? tinue. ¿Jancan jomin tsachi manseica jonunca panhalaquinayun? Tsanque sen quinunca miino muquilaquinari,

¹⁰junni meralaquede! tinue. Jerale israelita tsachila junca miinola joe. Jesús Nasareno yaca jera manse suwacae tinue. Jesucrístochi mantate in jancan jomin tsachi nulachi cale senan manwirurae tinue. Nulari Jesuca corosibi totesa carilaquee tinue. Diosi mantimini yaca puyaca jominca mansoncarinue tinue.

¹¹Meralaquede! Diosichi Pilabi itsanque chuteca joe: Suca ya quiminla su mancaca seitoe tito quepolaquichunaeque chuteca joe. Tsan josanan, ya suri uraran fe munaranun su patichunaeque chuteca joe. Junni nulari jun ya quiminla cuwenta jolajoe. Jesucristo jun su cuwenta joe tinue. Nulari yaca seiton joe tito quepocala josanan,

¹²yasiri jutsa quinaminlaca se larimin joe tinue. Diosi yaca mumun pato mantá cuwanue tinue yape jerale tote chumin tsachila yabesiri se lolaisa.

¹³Aman Pédrobe Juanbe epe tsachila jominlanue. Duquenan estudiaica iton jominlanue. Tsanla jotonan, luratuto paniquinaminlanue. Junni israelita mantaminla Pédrobe Juanbe pánaminca meráto wepanalainue. Junsi tenhilainue Jesube miicala joto tsan jolajoeque.

¹⁴Junnasanan, ya manse suwaca jun tsachinan junbi Pédrolabe pemanwiruraminue. Jun tenchi israelita mantaminlari yaca quirato, man fiquinantiya beco pano podeitulajonue.

¹⁵Junsi Pédrolaca tamochi nechi moora larito, israelita mantaminla talari tenpalaquinue.

¹⁶Itsanlatinue: —¿In tsachilaca niyan quintsan junhun? latinue. Wepanato quirantsancari tsara seque quilaquee yape uyan tsachila jera quirato tennalarasa. Jerusalenbi chumin tsachila junca jera miralarae latinue. Jun tenchi chiquilari nene joe tino podeitulajoyoe latinue.