Mɔnnu 8:3-13

³Yi ɡbɑ̃rɑmɔ ɡɑmbon bɔkuɔ wuun duu yerɔ mi bɑ rɑ siribu ko, yi mɔ̀,

⁴bɛɛ tɔmbu, bɛɛyɑ nɑ soku, tɔn bibu kpurowɑ nɑ kɑ mɔ̀.

⁵Lɑɑkɑri sɑribɑ, i de i n lɑɑkɑri mɔ. Gɑri bɑkɑsu, i bwisi koowo.

⁶I swɑɑ dɑkio, kon bɛɛ ɡɑri bɛɛrɛɡii sɔ̃. Ye kon ɡere kpuro yɑ sɑ̃ɑwɑ dee dee.

⁷Domi nɑ ku rɑ weesu ɡere, nɑ kɔ̃sɑ tusɑ.

⁸Nɛn ɡɑri kpuro sɑ̃ɑwɑ ɡem, weesu kɑ tɑki sɑri yi sɔɔ.

⁹Yi kpuro yi bururewɑ kpɑsɑsɑ bwisiɡiin mi. Mɛyɑ yi mɑɑ dɛɛre wi u yɛ̃ru mɔn mi.

¹⁰I nɛn sɔ̃ɔsiru mɔɔ n kere sii ɡeesu, kpɑ i mɑɑ yɛ̃ru mwɑ n kere wurɑn tii.

¹¹Domi bwisi yi bɛɛrɛ mɔ yɑ kpɑ̃ yɑ burɑ yɑ̃nu kpuro kere. Ye bɑ rɑ kɑsu kpuro sɔɔ, ɡɑ̃ɑnu sɑri ni kɑɑ kɑ yi weesinɑ.

¹²Nɛ bwisi, nɑ rɑ ɡɑrin ɑsɑnsi tubu. Nɑ yɛ̃ru mɔ n kɑ ɡɑ̃ɑnu wunɑnɑ.

¹³À n kĩ ɑ Yinni Gusunɔ bɛɛrɛ wɛ̃, ɑ de ɑ kɔ̃sɑ tusi. Nɑ tii suɑbu kɑ yɛ̃kɔ kɑ kɔ̃sɑn kookoosu kɑ keetɑn ɡɑri tusɑ.