Luug 6:27-32

²⁷«Yeen ñi may déglu, dama ne, seeni noon, soppleen leen, seeni bañ, defal-leen leen lu baax.

²⁸Ñi leen di móolu, yéeneleen leen lu baax, ñi leen di soxore, ñaanal-leen leen.

²⁹Ku leen talaata cib lex, dékkleen ko ba ca des. Ku nangu seen mbubb mu mag, buleen ko teree jëlaale seenub turki.

³⁰Képp ku leen ñaan, mayleen ko; ku nangu seen yëf, buleen ko ko laaj.

³¹Lu ngeen bëgg nit ñi defal leen ko nag, nangeen leen ko defale noonu.

³²«Su dee ñi leen sopp doŋŋ ngeen sopp, ana lu ngeen ci wara yooloo? Bàkkaarkat yi sax, ñi leen sopp, sopp nañu leen.