Lukas 23:47-53

⁴⁷Na tahuna a ubu na tara na nugu­maheto i masia a maki i bele, i kavurikea a Vure, i ta maea, “Muholi hateka, a bakovi iea i uka ma i ratea tara naro hale!”

⁴⁸Na tahuna e huriki ri vapopo ri matanono, ri matai a maki i bele, ri dodo hateka, ri hamule lakea na tanga.

⁴⁹E huriki a turane Isu, e huriki a ngatavine ra ri valai o Galili turana, ri pesi basi popote ri matai a maki lobo nga.

⁵⁰A Iuda tara, a rane Iosep, a tanga vona ni gale e Arimatea. Ia a tara ni kado a ngava. Ia a bakovi kamumu, a bakovi kiripiripi.

⁵¹I pasimata ni matai a harikianga na Vure. I uka ma i ngaru a vilo ne huriki i leho turane ria, ri rabalakia e Isu.

⁵²E Iosep i lakea ne Pilato i takia vona a podane Isu, ge tanua.

⁵³E Pilato i longo, lakea i vano, i paru talea na kai tavalavala, i bunua na lavalava, i rua na babe ni keli na dahana kedo. Ra babe iea i uka ma ni tanu a viri vona ma.