Luka 1:39-49

³⁹Cyire canmpyaagil'e, ka Mariyama si yîr'a fyâl'a kàre ɲaɲyi kùluni i, Zhude kànhe kà na.

⁴⁰Maa jyè Zakari pyɛnge e, maa Elizabɛti shɛ́ɛre.

⁴¹Tèni i Elizabɛti à Mariyama fwùŋi lógo ke, ka u pyàŋi si ɲyàha u funŋke e. Ka Kile Munaani si Elizabɛti ɲî,

⁴²ka u u jwo fànha na Mariyama á: «Kile à jwó le mu á mà tòro cyeebii puni taan! Pyàŋi mu sí n‑si ke, Kile sí jwó le ur'á mú!

⁴³Jo u ɲyɛ mii, fo mii Kafooŋi nuŋi yabiliŋi u pa mii yyére yɛ?

⁴⁴Ɲaha kurugo yɛ mii sí yi jwo mu á, tèni i mii à mu fwùŋi lógo ke, funntang'à mii pyàŋi pyi u à ɲyàha mii funŋke e.

⁴⁵Mu wuun'à ɲwɔ, ɲaha na yɛ kani ɲwɔmɛɛni Kafooŋi Kile à lwɔ́ mu á ke, mu à ɲɛn'a dá lire na.»

⁴⁶Ɲyɛ ka Mariyama si jwo: «Mii à Kafooŋi Kile kêe ná na zòmbilini puni i,

⁴⁷mii funŋke naha a táan sèl'e mii Shwofooŋi Kile kurugo.

⁴⁸Ɲaha na yɛ mii u ɲyɛ u bilicwoŋi ke, u à ɲɛn'a ɲwɔ mii na, maa kacɛnnɛ pyi mii na, mii ná na cyɛrɛmpe puni i. Mà lwɔ́ numɛ na, tìiŋi nimpaŋi sùpyire puni sí n‑pa raa ŋko na mii wuun'à ɲwɔ.

⁴⁹Ɲaha kurugo yɛ Kile Siŋi Punifol'à kabwɔhii pyi mii á, u mɛg'à táan.