Luk 1:39-49

³⁹Sǝdareh aMeri ile mǝhat, iŋad vi lan nab̃iltivile sua a Jutea, naut enan tobaŋ ṽehuh.

⁴⁰Nǝboŋ tobar naut enan evi lohoim siSekariah, ike, “Ivoi,” mai aElisapet.

⁴¹Nǝboŋ aElisapet tosǝsǝloŋ hǝn na-ke-ivoi-an san, anatun ekurkur len nabǝhaṽun, ale aElisapet epul hǝn aNunun aGot.

⁴²Beti ikai habat ke, “AGot igol navoian van hǝn gaiug sǝhor alatpǝhaṽut, igol navoian am van hǝn anatum̃ gǝb̃ipasi.

⁴³Imab hǝn nategai tovisi hǝn ginau, ke anana siMasta sagw togǝm hǝn ginau?

⁴⁴Husur nǝboŋ notosǝsǝloŋ hǝn nadolom̃, anatugw ekurkur hǝn nahǝhaṽuran san len nabǝhaṽugw.

⁴⁵AGot gatogol navoian van hǝn gaiug, husur ke gaiug godǝlomi ke tigol nǝsa tokel gati mai gaiug.”

⁴⁶Beti aMeri ike: “Nǝlogw eputsan Nasub̃,

⁴⁷Nanunugw ikemkem hǝn aGot sagw gai tolav kuv ginau dan nǝsaan.

⁴⁸Husur eris natǝbarehreh san tovi ut kǝmas, ale vi sutuai naur p̃isi lekiskis ginau ke alitenan navoian topat lan.

⁴⁹AGot todaŋ buni igol natgalevis tovoi buni hǝn ginau, gai sǝb̃on, nahǝsan esǝhor nǝhes p̃isi.