39Ipan inon tonalten María oya ihsiu ipan se altepetl ipan in tepetlahtli den Judea.
40Ihcuac oahsito ichan Zacarías oquitlahpalo in Elisabet.
41Ic oquicac in Elisabet, in iconeu omolini iihtectla, quen yehhuatl oquitequiutiloc ica Itiotonaltzin.
42Huan ica paquilistli ocualnanquilic: ―In Dios mitztiochihualotoc quen omitztlapehpeniloc inepanco in oc sequin sihuamen huan noyojqui motiochiutoc moconetzin.
43Tel, ¿aquin nehhuatl, ic otinechualitac huan tiinanahtzin Notecohtzin?
44San quen otinechtlahpaloc, in noconeu omolini ica paquilistli.
45Molui cuali quen oticneltocac in tlen omitziluiloc tleca yau tzonquisa ica in tlen omihto Totecohtzin.
46Oncan oquihto in María: ―Nele nitemahuestiliya Notecohtzin,
47huan niyolpaqui ica in Dios Notemaquixticahtzin.
48Tleca Dios omochiu cuenta ica nehhua aquin temajco, huan quihtosque nochin tlacatl nitlatiochiutli nehhuatl.
49Tleca in Dios Hueyicahtzintli onechchihualoc mahuestic; tleca in Itocahtzin tlamahuestilili.
SAN LUCAS 1
SAN LUCAS 1:39-49