48Ipak douk penekesh namudok aria payabig arpesh um ipak pakri wosik um ahudok yoweihi aih ipakim babukenyim henekah iri um habo amam profet hagok um. Aria ipak pape penek wonugwegwiruh um amudok profet.
49Douk namudok aria Iruhin nagipesh ananim yopumi urkum aria saki nakri, ‘Eik ta ishopokugu profet huni aposel hunakumesh aria eshesh ta shubo anam hugok aria anam ta shom aria shunekam enenyenen.’
50Douk namudok aria ipak doukipari aria douk baraen nyapenyep um eshudok yoweishi inahos seiwok ipakim popehem yamehem hape henekesh hanaki iri. Seiwok baugos um Iruhin nenek agundok atap, amam habo ihim morim profet hanaki arigaha hatograri douk. Enyudok douk seiwok ipakin yamenen Ken neneken um nabo ananin wanin Abel nagok um nyanaki arigaha abudok nyutob amam habo Sekaraia nagiguk um. Sekaraia neyotu orokohun um alta nyani Iruhin ananit debeiti urupat aria amam han. Aria ipak penekeh iri aih douk heyabig arpesh um ipak douk panadudareh um enyudok ipakim popehem yamehem heneken iri. Aria Iruhin nakri ipak ta pusah ihibusmorim abusdok bugabus ipakim popehem yamehem amamibus.
Luk 11
Luk 11:48-50