LOMU 10:5-7

⁵Ito aseha monawamuya Mosesekaho sa-loko luhuwa jenebo ne: Wewena mako Mosesekaho lo hukoko libo gamidana emesalo molikiki yowanuwa liwa liwa iki li-liki wiki suwitabo wewena maya elewole iki minakilae loko liye. Mosesekaho sa-loko liboya, Omailimo lo hukaibo ga maya emesalo moloko lihimate suwokadeko minatudawo monawamu libo ne.

⁶Sa-oneboya, Kalaestidamu elewole oko elekoko lihimate suwokadeko minatudawokumuya Mosesekaho monoka bukuguya sa-loko luhuwa jenebo ne: We makoya okulumau aha yowitibo loko ne, loko libomidana monawaya we makolimo okulumauti Kalaestida ilime-loko ga lilimekaka ga lalo leko limitiye. Ito we makoya muligu helebo wewenasida weunipo neboku limitibo ne loko libomidana monawaya we makolimo ayayu lemeko Kalaestida ilime-loko sinatiye loko ne.

⁷Yamidana monawaya Kalaestikaho okulumauti lemeko lemoda alo lilimekoko alo sinoko okulumau yowene.