11Afe llezica Creta imacɨ bitíaɨoɨ Arabia imacɨ dɨga. “Mei íadɨ Juzíñamui caɨmare llogáfuiaɨ ñue fɨnócafuiaɨ dɨga, nágamɨerie danɨ caɨ uáillaɨdo cacádɨcaɨ,” daɨdíaɨoɨ.
12Nana fáɨgacaidiaɨoɨ. Iaɨoɨ comecɨ fácana onóñediaɨoɨ; jira jɨcánotiaɨoɨ: —Nana bie caɨmo comuídɨfue, ¿nɨɨe izói caɨna daɨíacade? —daɨdíaɨoɨ.
13Mei íadɨ jɨáɨmacɨ íaɨoɨ uai áɨfeduano daɨdíaɨoɨ: —Bimacɨ jɨfáidiaɨoɨ, —daɨdíaɨoɨ.
14Ie mei Pedro once dɨga orécamacɨri náidaillano comɨ́nɨmo rɨire úrite; daɨde: —Judea comɨnɨ naa Jerusalemo itɨ́nuiaɨri cácarei. Bie ráfuena omoɨ onoiri. Dáɨitɨcueza ñue omoɨ cacáreiri.
15Bie ɨíñɨaɨ jɨfáiñedɨmacɨ omoɨ comecɨ faca ízoi. Jitoma naɨ fuirɨ dáidemo. Jítɨramo dɨbénemo comɨnɨ jaca jɨfáifɨnidiaɨoɨ.
16Bifue jɨáɨfodo ite. Afe bifue uai lloraɨma Joel jaiai uícodo llogáuai. Afémɨe daɨde:
17Juzíñamui ómoɨna daɨde: “Iiraɨruillaɨdo cue Joreño nana náɨraɨaɨna, jaɨnoi tua izói fáɨcanocaiñeno íaɨoɨna úicaitaitɨcue. Omoɨ jitótɨaɨ jízatɨaɨ dɨga cuedo úritiaɨoɨ. Jitócomɨnɨ nɨcaɨdo cɨónafuiaɨ izói cɨ́oitiaɨoɨ. Einamacɨ ñuera nɨcaɨdo nɨcáɨritiaɨoɨ.
Loc Hechos 2
Loc Hechos 2:11-17