Text copied!
CopyCompare
Yipma Genesis and New Testament - Apozelɨyara - Apozelɨyara 2

Apozelɨyara 2:11-17

Help us?
Click on verse(s) to share them!
11Nabaai Juyainajɨ Maaveina Juyaraavɨrebwi yadaanyainajɨ pwaina Ahuꞌmanna Kɨritɨ mwaalyainajɨ Kwaaka Arevɨya mwaalyainajɨ yuya saina bamwaalona Gotɨyai tewaanya yakenna nennya yagaalya nedɨvanɨgasaꞌ kadɨka wɨꞌnɨvanɨgone!”
12Sɨmunya kwalaalya yawɨꞌdɨvɨꞌ atɨka maruꞌnaꞌdɨvɨꞌ yɨwaaraꞌneꞌ “Gara yɨwaka?”
13Sara kyɨwaaraꞌneꞌ kɨrɨꞌ pwara kadɨka wɨꞌnyaꞌneꞌ sɨnna tɨka wɨdaꞌdaasɨ bɨrala wieꞌ “Biyaaya naanga neva kunya maayara mwaaihava sara dɨvanɨgasara.”
14Sagaaꞌ Pitai Jizaazai Wɨdaasadera atɨraai sɨvɨlyɨrɨdaasɨ pwalyarajɨ daavaka kwala bwaꞌnaanyavɨ yagaala naangeꞌ gaai wɨdaꞌ “Kwaaka Juthɨya mwaalyaihɨlyɨ Anga Jeruzaalemɨ mwaalyaihɨlyɨ yuyaihi yɨhɨthɨwɨjaꞌ kadɨka nayaa duꞌnyɨla! Nɨmɨre yagaalyaꞌ jawɨrila!
15Sareꞌ dareꞌnesɨ. Nyɨdɨwaasaꞌna aꞌmwe dara biyaaya manyeva sɨduꞌnakera mwaaihaꞌ. Sawɨsaburɨ daaka! Sawɨsavɨ daaka! Mwanyavɨ naainɨ kɨlokɨyagaaꞌ biyaayaꞌna aꞌmwera kumaayara mwaaidɨvɨsara daaka!
16Arɨkawɨ. Daꞌ Gotɨyarɨ wɨꞌnawɨjɨwakyaakei Ne Jowelɨ yɨdayaakeꞌ yɨmaꞌnɨvanɨꞌ.
17Dara yɨdaꞌnɨka ‘Gotɨyai dɨnɨkesɨra. Aayagaaꞌ dara yɨdeinyɨra, Kɨlaaꞌnaka yuyaraavɨna Nɨnnya Kuryarɨ wɨdɨngikɨdeinyɨra. Kujaavaꞌmujɨ Kuryai Tewaanyai kumɨre sɨmunyangɨ kulamwaalojɨ Sɨrɨraavaangejɨ sɨrɨbwaalɨvaangerajɨ nɨmɨnyɨ nyuꞌnawɨjɨwaakɨpɨꞌdesɨra. Sarɨmɨre mɨgɨnyara se mwaryapɨjɨ aꞌmabaaitɨnna wangabɨꞌderera. Sarɨmɨre nera se warapɨjɨ waja yaꞌnɨpɨꞌderera.

Read Apozelɨyara 2Apozelɨyara 2
Compare Apozelɨyara 2:11-17Apozelɨyara 2:11-17