3Lon ükükün wonu rän oupwe angang, nge ewe afisuen rän eu ränin sapat ränin asösö mi pin, eu fansoun mwich mi pin. Ousap föri och angang lon, pun eu ränin sapat fän iten ewe Samol mi Lapalap lon leniemi meinisin.
4Ikkei ekewe chulap mi kefilitä me ren ewe Samol mi Lapalap, ekewe fansoun mwich mi pin, oupwe asilefeili lon ekewe fansoun ra kefilitä.
5Iwe, lekuniolun ewe engol me rüanün ränin ewe aeuin maram epwe fis än ewe Samol mi Lapalap Pasofer.
6Nge lon engol me limuen ränin ewe chök maram epwe fis än ewe Samol mi Lapalap we chulapen mongö pilawa esap wor iis lon. Lon ükükün fisu rän oupwe mongö pilawa esap wor iis lon.
7Iwe, lon aeuin rän oupwe afisi eu mwich mi pin. Ousap föri och angang lon.
8Lon iteiten ekewe fisu rän oupwe eäni eu asor ngeni ewe Samol mi Lapalap. Nge lon ewe afisuen rän oupwe pwal afisi eu mwich mi pin. Ousap föri och angang lon.
9Iwe, ewe Samol mi Lapalap a kapas ngeni Moses,
10pwe epwe üreni ekewe aramasen Israel: Lupwen oupwe tolong lon ewe fanü, ewe Samol mi Lapalap epwe ngenikemi, o kini uan, oupwe uwato epilük mwen kiniemi uän wiich ren ewe souasor.
11Iwe, ewe souasor epwe assawa ewe pilük fän mesen ewe Samol mi Lapalap sorotän ewe ränin sapat, pwe Kot epwe etiwakemi.
Lifitikos 23
Lifitikos 23:3-11