Lifitikos 21:11-18

¹¹Ewe souasor mi lap esap fokun kaneto ren eman somä, sap mwo nge ren somän saman ika inan, pwe esap limengau ren.

¹²Esap fokun towu seni ewe imw mi pin, esap pwal apiningaua imwei mi pin, pun a apinipin ren ai we löön epit: Ngang ewe Samol mi Lapalap.

¹³Iwe, epwe chök pwüpwülü ngeni eman fefin esamwo tori mwän.

¹⁴Esap pwüpwülü ngeni eman fefin mi mä pwülüan ika eman mi mwü seni pwülüan, esap pwal pwüpwülü ngeni eman fefin a piin tori mwän ika eman fefin mi amömö inisin fän iten lisowu. Nge epwe chök angei eman pwülüan, eman fefin esap mwo tori mwän seni me lein aramasan,

¹⁵pwe esap atolonga nöün kewe lon tettelin chon limengau me lein aramasan. Pun ngang ewe Samol mi Lapalap üa apini pwe epwe souasor mi lap.”

¹⁶Iwe, ewe Samol mi Lapalap a pwal kapas ngeni Moses,

¹⁷“Kopwe üreni Aaron: Esap wor eman me lein mwirimwirum kana mi wor terin epwe kaneto pwe epwe eäni asoren mongö ngeniei. Ei epwe fis seni eu täppin aramas tori eu täppin.

¹⁸Pun esap wor eman mi mesechun ika mwen, are eman a ter won mesan ika a timwo, epwe föri ewe angangen asor,