Leviticus 6:22-26

²²Sotheli the preest which is successour to the fadir `bi riyt, schal offre it hoot, in to sweteste odour to the Lord; and al it schal be brent in the auter.

²³For al the sacrifice of preestis schal be wastid with fier, nether ony man schal ete therof.

²⁴And the Lord spak to Moises, and seide,

²⁵Spek thou to Aaron and to hise sones, This is the lawe of sacrifice for synne; it schal be offrid bifor the Lord, in the place where brent sacrifice is offrid; it is hooli `of the noumbre of hooli thingis.

²⁶The preest that offrith it, schal ete it in the hooli place, in the greet street of the tabernacle.