Leviticus 14:26-31

²⁶Sotheli the preest putte the part of oile in to his left hond,

²⁷in which he schal dippe the fyngur of the riyt hond, and schal sprynge seuensithes ayens the Lord;

²⁸and the preest schal touche the laste part of the riyt eere `of hym that is clensid, and the thombe of the riyt hond and foot, in the place of blood which is sched out for trespas.

²⁹Sotheli he schal putte the tother part of oile, which is in the left hond, on the `heed of the man clensid, that he plese the Lord for hym.

³⁰And he schal offre a turtle, ethir a culuer brid,

³¹oon for trespas, and the tothir in to brent sacrifice, with her fletynge offryngis.