Levi 14:26-31

²⁶A prister ge bole a namona oliv ge guru langa na bolana limana a maurina,

²⁷ge lutua a kukulimana a kanena na naruna oliv iea, ge voro tamali balaka polorua na matane BAKOVI DAGI.

²⁸Muri a prister ge ravu a namona oliv na talingana a kanena bakovi, na kukukoru na limana a kanena, na kukukoru na vahana a kanena. A naro iea ge ratea na tabeke ni ru a darana sipsip na nihabi na rarenga.

²⁹A namona oliv ranga i tababana, ge ravu na gina bakovi i ngaru ia ge matapado. Na naro iea, a prister i rata a nihabi ne vona ni kavitagu a bakovi iea na matane BAKOVI DAGI.

³⁰A prister ge bole a balu nga i rua i bole valai a bakovi ge a nihabi,

³¹ge habia tara ge a nihabi na naro hale. A viri tara ge a nihabi gutu-vuro, turana a nihabi na vit. Na naro iea, a prister i kavitagua a bakovi iea na matane BAKOVI DAGI, ra i ngaru ni matapado.