Levi 4:2-11

²“O taki e huriki a Israel e rei a viri i rata ruru a naro hale, i putu puru a maka vinara ne BAKOVI DAGI, ge ramai a naro nga:

³“Na tahuna a prister dagi i rata a naro hale i habi a rarenga ne huriki, ge bolea tara bulmakau karaba, a toga ge gavutuvutu, ge habia ne BAKOVI DAGI ne vona a nihabi na naro hale vona.

⁴A prister ge bolea a bulmakau iea ge lakea na matana Kape na Vaponga na matane BAKOVI DAGI, ge ru langa a limana na gina bulmakau. Muri ge rabalakia na matane BAKOVI DAGI.

⁵A prister ni gamai ge bole ranga darana bulmakau iea, ge bole dili na Kape na Vaponga.

⁶Muri a prister ge lutua na dara a kukulimana, ge voro tamali balaka polorua na matane BAKOVI DAGI tabukoi na kala dagi i naviri mule a Tabeke Nitaba Hateka.

⁷Muri a prister ge lakea na dede na havu mangisipa i pesi na matane BAKOVI DAGI pololilo na Kape na Vaponga, ge ru na maka tupi na dede ranga dara. A darana bulmakau a toga i tababana, ge bole tala na matana Kape na Vaponga, ge guru na taruna dede na nihabi gutu-vuro.

⁸Muri ge bole tala na nihabi na naro hale a vina, ra vina i kavitagu a mahalana, a vina pololilo na mahalana,

⁹turana a vuanalipi i rua turana a vina i rako taho rua, a kinake tara ni riri tala turana a vuanalipi.

¹⁰A prister ge gutu a mahalana nga, ge gutu na dede na nihabi gutu-vuro. Ge rata manga a vina bulmakau ni rata na nihabi na nivalemu.

¹¹Pali ge bole a kulina, a bobona, a gina, a maka vahana, a maka mahalana, a tahena,