Levi 26:30-33

³⁰Iau bara ratapile a maka roho na nivasileki na maka vure ne mua meli na lolo, bara puka a maka dede na havu mangisipa. Bara rabalaki mua, a voro rike a podane mua na hanuna vure a ratapile muga pali. Lakea bara marikoi hateka ne mua.

³¹Ga ratapile a tanga dagi, a roho na nivasileki ne mua. I uka ma ga ngaru a maka nihabi mu rata.

³²Ga ratapile hatekea a malala ne mua. Na tahuna e huriki a pile ne mua ri bolea a malala iea ri made vona, bara ri turutu vona a maki i bele vona.

³³Bara rata e huriki a pile ri vaubi turane mua, ri lili tala mua, mu vapida lae mu mariu lakea na maka tanga basi. A malala ne mua bara i tabuli tavula, a maka tanga dagi ne mua bara ni ratapile.