Levítico 6:4-12

⁴we-dule we-ibmargi nosad, egi ataklegoed. Degisoggu, gannar we-ibmarmar ukergebed: Ibmar-atursasad, emar-annik gandikidgi ibmar-susad, dule-baid ega ibmar-sabogega-uksanad, ibmar-yoggusad amissurye-soged,

⁵ibmar-bamaladgi-gakansaar-sogsad-imakoye. We-dule, a-ibmarmar bela e-ibedga gannar ukoed, deginbali, napi ibmar-atargi gwensak ega ukbaloed. Ar e-isgued-ular, ibmar-uknaid-ibagi, ibmar-ibedga bela we-ibmarmar gannar ukoed.

⁶” ’Na e-isgusad-ular, Bab-Jehováʼga sibad-wawaad-machered-swilidikid, gwen boni-nikasulid sedoed. Dule-isgusadba mani-soglesadba we-sibad-wawaad-macheredga mani-gargegued nasiklegoed. Geb dule, we-sibad-wawaad-machered na e-isgusad-ular, dule-irwa-Bab-Dummadse-goledga ukoed.

⁷Geb degine, dule-irwa-Bab-Dummadse-goled we-dule-e-isgued-ular, Bab-Jehováʼga sibad-wawaad ukoed. Geb Bab-Jehová bela we-dule-e-isgusad osulogoed.’ ”

⁸Bab-Jehová Moisésʼga sunmakdebalid, ega sogded:

⁹“Aarónʼga, degi, e-masmalaga be soge: ‘Ibmar-ogumakar-uklealir, weyob be imakmaloye: ” ’Ibdurgan-ogumakar-ukleged bela gummakegala, ibmar-ogumakar-ukleged-aila-birgi mutiki gamai oibodagoed. Ibmar-ogumakar-ukleged-aila-birgi soo-gasiid ginnosulid.

¹⁰” ’Dule-irwa-Bab-Dummadse-goled e-linoʼmor yooed, degi, lino-morsangi-garson-bipi-makaled yobaloed. Ibdurgan-ogumaklenaid bela gummaksale, dule-irwa-Bab-Dummadse-goled ibmar-ogumakar-ukleged-aila-birgi buru-bukwad weoed. Geb we-aila-dikarba buru urboed.

¹¹Sorbali, dule-irwa-Bab-Dummadse-goled e-mor esugoed, geb mor-baid yooed. Geb degine, Israel-dulemar-danar-danar-bukwad-magaba, neg-swilidikidse buru sedoed.

¹²” ’Ibmar-ogumakar-ukleged-aila-birgi soo-gasiid ginnosulid. Dule-irwa-Bab-Dummadse-goled bane-bane wakudaryalaba soo-gasiid-birgi sapan urboed. A-soo-birgine, Bab-Jehováʼga-ibmar-ogumakar-uklenaid mesoed, deginbali, a-birgi dule-gwenatigwar-guega ibmar-uklenaid-e-gwallu ogumaklebaloed.