Legic 95:3-10

³Yawe imi Anutu kuneŋ yanda, anutu mocʒoŋ ionac qacginaiguc eŋeŋa kecʒac.

⁴Baec hiŋgac hiŋgara imi mériaiguc hezac. Baec boŋa eŋeŋa acguc iwac buŋa wanʒac.

⁵Konduŋ imi iwac, inéŋ ʒéyu hicŋiyec. Waŋu baec acguc mérianéŋ meyec.

⁶Hagic nini sicgéma mepésimima, kekecnina mihicŋi nénécmiyec Yawe iwac muru simiŋ héimiwiŋ.

⁷I imi Anutunina, nini imi ic embachéra, rama tuŋa mériaiguc ono onopora. Ini nalé yomuaru ewaya nimbiŋ ʒé wanʒuiguc imi;

⁸Meriba ʒéma baec kérakérasia Masa imuac nalé ésécnec ewa qerigina seliseli ménda wammu.

⁹Nalé imuaru yandahécgina ni batucgé némma awinémma wawaŋ memena imi héŋgic.

¹⁰Ni yawuŋ 40 séc hicŋisai imuac niŋyéwécnaguc wamma ʒéyi; Ieneŋ imi ic embac ewagina soho sohoya, nuac héna imi ménda ninʒu.