Yaburina 95:3-10

³Amasɔtɔ Alatala nan Ala gbeen na. A tan nan manga gbeena alane birin xun na.

⁴A tan nan gbee bɔxɔn bunne nun geyane xuntagine ra.

⁵A tan nan gbee fɔxɔ igen na, bayo a tan nan a daxi. A tan nan bɔxɔ xɔnna rafalaxi.

⁶Ɛ fa, en fa en xinbi sin, en yi Ala batu. En xa en xinbi sin Alatala bun naxan en daxi.

⁷Amasɔtɔ a tan nan en ma Ala ra. En findixi a yamaan nan na alo a xuruse kurun naxan nabama. Xa ɛ Ala fala xuiin mɛ to,

⁸ɛ nama ɛ bɔɲɛni xɔdɔxɔ alo ɛ benbane Meriba yi, alo e naxanye liga na waxatini Masa yi tonbonni.

⁹E n matandi nɛn mɛnni, e yi n mato, hali e to bata yi n kɛwanle to.

¹⁰N xɔlɔ na waxati muxune ma ɲɛɛ tonge naanin, n yi a fala, n naxa, “Yamani ito bɔɲɛn makuya n na, e mi biraxi n ma kiraan fɔxɔ ra.”