Legic 27:7-13

⁷Yawe, ni ac ewanaguc qacba niŋnémma ewa biric waŋ némma acna meleŋ némbésémaŋ.

⁸Ini nuac kic tanecnawac wamma kic hihi wammu ʒénec imuac mia ni guac kic tanecgawac wamma kic hihi wanʒua.

⁹Guac kic tanecga imi ménda musaŋgé nénna. Guac weleŋ qeqe icga qeri biric nimma ménda nesinénna. Gi imi méra néŋannecac néŋanʒaŋ. Nuac aŋgéŋ titina Anutu ni ménda wainémma kembésémaŋ.

¹⁰Nuac neŋgoc maŋgocnéŋ wai némbaocnec, Yawenéŋ kileŋ aŋgéŋna timac.

¹¹Yawe, guac hénaga ku némma haʒéchécna kicgaleŋ wannénʒu imi inicma héna kondoŋaiguc hezac imuaru ni nuagicma kembésémaŋ.

¹²Héipuc ic ikora ʒéma ac biria loŋanʒu imi eneŋ yacma nuwiŋ ʒé wanʒu, imuac nuac kekec uŋana imi haʒéchécna ionac méraginaiguc ménda opocna.

¹³Ni Yaweac haihaka hiabiawac hémmaŋ ʒéma ninʒéŋgéyiac deguc ic kekecginaguc ionac baeciguc kecʒua.