Leevi 14:4-10

⁴zalaɠa ɠula nui ɠa devei ve ga ti wɔni felegɔ zeɠe, ti vulua, ti ɲadegai, ta sɛdele gulu ɓuɠai, ta geze ɓɔi sɔsɔgi, ta ɠizɔɔpe tufa ɓifɔgi, ná-ɲade fai zu.

⁵Toɠa devei ve ga ti wɔnii gila kɔdaaleʋe pɔlɔ liɠii maazu, daavegai ga ziɛungi zu ɗɛi.

⁶Toɠa wɔni vului zeɠe, ta sɛdele gulu ɓuɠai, ta geze ɓɔi sɔsɔgi, ta ɠizɔɔpe tufa ɓifɔgi, é ti lɔ wɔnii ɠɔdaaleʋeai ma ɲamai wu.

⁷Toɠa faza daa ɠɛ lɔfela naa ma, nii kulama zeeɓɛi ɠɛa ma, maanɛai ga é ɲade. Naa ʋolu toɠa dɛɛ ga ɲadegɛ, é yeeɓe wɔni vului ʋa, é li dɔɓɔi zu.

⁸«Zɔi é ɓɔɠɔ ɲadesu, naa ɠa ná-seɠeiti gba, é ɓɔɠɔ maaleɠai kpein bo, a maagbana ziɛi wu, toɠa ɲade. Naa ʋolu toɠa zoo é lɛ ti-ʋuuzuʋɛ, kɛlɛ é la zeiɗa ná-seɠe ɠotai wu, eyɛsu folo lɔfela leʋe.

⁹Folo lɔfelasiɛi, toɠa maaleɠai kpein bo mɔnɔ, nɔungi ta kpɛlɛi, ta gaazu ɠɔ poluʋɛti. Toɠa ná-seɠeiti gba, é ɓusɛi maagba ga ziɛi, toɠa ɲade niina.

¹⁰«Foloi lɔsaʋasiɛi, toɠa baala ziʋo zinɛ felegɔiti seɠe, niiti nɛɛʋuzu la ti ʋa, ta kona gila baala saai, nii nɛɛʋuzu la ba, ta ɓulu vukɔ ʋagɔi kilo taaʋuugɔ, nii gaayɔgai ga gulɔi, ta gulɔi litɛlɛ ɠaaɠwɛsui, é ɠɛ ga vebɛanii.