21 Ba qofan aadhdhida eranchcha gidida asi akeekanchcha geetettees; lo77o qaalai eratettaa gujjees.
22 Cincca urau eratettai de7o pultto mala; shin eeyyata seeriyoogee coo wode wurssiyoogaa.
23 Aadhdhida eranchcha asi haasayanaappe kasetidi qoppees; qoppidi asi ekkiyo haasayaa haasayees.
24 Lo77o qaalai eessaa ililuwaadan mal77ees; bollaakka maaddeesinne pattees.
25 Asaassi suure milatiya ogee de7ees; shin wurssettan haiquwau gattees.
26 Namisainne metoi asi minnidi oottanaadan giddoosona.
27 Iita asi iitabaa halchchees; a haasayaikka xuuggiya tamaa mala.
28 Geella asi ooshshaa denttees; zigirssanchcha asi ammanettiya laggeta shaakkees.
29 Gene asi ba shooruwaa cimmees; lo77o gidenna ogiyau i a kaalettees.
30 Ba aifiyaa qim77otiya asi geellabaa qoppees; ba menttershshaa saxxidi manddiya asi iitabaa polees.
31 Puulummida huuphee bonchcho kallachcha; hegeekka beettiyoi xillo de7uwaa de7iina.
32 Wolqqaama asa gidiyoogaappe, hanqqettanau eesotenna asa gidiyoogee lo77o; daro katamata olidi oiqqiyoogaappe, asi ba huuphiyaa haariyoogee aadhdhees.
33 Asi saamaa yeggees; shin GODAI ubbabaa battees.
