Leemiso Maxaafaa 16:21-33

²¹Ba qofan aadhdhida eranchcha gidida asi akeekanchcha geetettees; lo77o qaalai eratettaa gujjees.

²²Cincca urau eratettai de7o pultto mala; shin eeyyata seeriyoogee coo wode wurssiyoogaa.

²³Aadhdhida eranchcha asi haasayanaappe kasetidi qoppees; qoppidi asi ekkiyo haasayaa haasayees.

²⁴Lo77o qaalai eessaa ililuwaadan mal77ees; bollaakka maaddeesinne pattees.

²⁵Asaassi suure milatiya ogee de7ees; shin wurssettan haiquwau gattees.

²⁶Namisainne metoi asi minnidi oottanaadan giddoosona.

²⁷Iita asi iitabaa halchchees; a haasayaikka xuuggiya tamaa mala.

²⁸Geella asi ooshshaa denttees; zigirssanchcha asi ammanettiya laggeta shaakkees.

²⁹Gene asi ba shooruwaa cimmees; lo77o gidenna ogiyau i a kaalettees.

³⁰Ba aifiyaa qim77otiya asi geellabaa qoppees; ba menttershshaa saxxidi manddiya asi iitabaa polees.

³¹Puulummida huuphee bonchcho kallachcha; hegeekka beettiyoi xillo de7uwaa de7iina.

³²Wolqqaama asa gidiyoogaappe, hanqqettanau eesotenna asa gidiyoogee lo77o; daro katamata olidi oiqqiyoogaappe, asi ba huuphiyaa haariyoogee aadhdhees.

³³Asi saamaa yeggees; shin GODAI ubbabaa battees.