La Bu 74:1-13

¹Vo Pathen, idia hitihchan pineipaidoh u hitam? Ipi ding’a na kelngoite douna a hichangeihi na lunghan ham?

²Khang masalai peh a nalhentum chate kahiu neisumil hih beh un, hiche nam nagoulu tum dia na ngeh jing chu kahiuve! chule hiche lei a na inn Jerusalem jong sumil hih beh in.

³Hiche khopi kisumangsa a hin hungvahlen lang, na melmate’n na houin hi ichanggei a asuhset’u hitam hinven.

⁴Hiche mun a hi na melmate’n haan laa anasap u hitam, hiche mun a hi aponlap u ana khaisang’u ahi.

⁵Amahongammanglaha thingtuhna a heicha analap u bang’in,

⁶Heicha le chempong toh tho’n anakhenchip’un ahi.

⁷Amahon namuntheng a na mintheng kitahdohho chu asuboh un,

⁸Chuban in jong “abon chan suseu hite” akitikit uvin, Pathen houna mun jouse jong anahallhah u ahitai.

⁹Keihonmelchihnathil kidangtahho chu ka mudohjou tapouvin ahi. Themgaoho jouse la aumgam tapouvin, chule hiche hi itihleh kichai ding ti chu koimacha ahe aumpon ahi.

¹⁰Vo Pathen ka melmate’u hiitihchanggei na kihousatsah dingham? Namin theng hi tonsot anasuh molphou sah ding hitam?

¹¹Ipi dia na banjet thahatna hina chalohsah lou ham? Na khutthahattah chu mangcha’n langamaho khu sugam tan.

¹²O Pathen nangma hi khangluilaia pat a leiset chung’a huhhingnahinpolut a ka lengpa na hi.

¹³Nang man na ban thahat’intwikhanglen jong na lhehkhenin, twikhanglen a cheng sahemholuchang jong navohchip soh hel e.