La Bu 41:1-10

¹Lalamkai pa dia David labol Mivaichate khoto ho chu anunnom ahi! Amaho chu Pakai in boina ato nauva konaahuhdoh diu ahi.

²Pakaiyin amaho chu hoibit inahinghoi jiu ve. Aman amahochu gamsung ah phatthei aboh ingalmiho akon na ahuhdoh ji e.

³Pakai in adam mo naova panpintin adamdoh sahding ahi.

⁴“O Pakai”, katao ahi “eilungset in, neidamdoh sah in ajeh chu nangmadounan kachonsetai”.

⁵Ahinla kadougal ten keimadounan thilse jeng asei un ahi. “Itihtah le athin suhmil in aum tadem?” atiu ve.

⁶Kagol kapai bang in eihungvil jiuvin, hinla chomloukah inkachungchang guhthim thu aseikhom leuvin, eidalhah tengu lemuntin in aphonjal ji taove.

⁷Eihot bolten keichung chang athilphalou ngan aseijun, kachung athilse ahung lhun dingbou adei un ahi.

⁸“Amahi thina thei hiveija na ahi” atiuve. “Amahi damdoh joulouding ahitai!” atiuve.

⁹Katahsan mong mong kagolphapen an kaneh khom pipa jengjong keima eidouvin apang tai.

¹⁰Pakai neilungset in. Neidamdoh sah kitin amahohi kalethuh jou nadin!