La Bu 38:1-15

¹O Pakai lung phatmo nanneilethuh hih in, nalunghan jeh in jong neije hih in!

²Nathal changho kasunga akikam dentan, nakhuttum in neivo lhutan ahi.

³Neilunghan khum jeh in katahsa pumpi hi anan, kachonset naho jeh in katahsa achip soh tai.

⁴Kathepmo nan eilon khum in, agihdan poh jouhoi ahitapoi.

⁵Ngolhoi tah a kana chonset jehin, kamaha anasetan auidoh leotai.

⁶Kathoh gimna hin ei kong konsah tai, lung gim tah in nilhum kei in kavah len ahi.

⁷Khosih pi kasunga meikong bangin a allin, eidammo sahtai.

⁸Keima kalhasam in kapum in kagoi lhatai. Kalungthim natna a kon in kapeng pengin ahi.

⁹Pakai nangin ipi kangai chat ham nahei, nangin kakhoisatna jouse najai.

¹⁰Kahaina hu alhasam tan katha beitai, chule kamit in jong kho amu tapoi.

¹¹Kangailutchenglekagol kapaiten kahivei hi akichaovin eidalha taove. Ka insung mite jengjong achomin aumtaovin ahi.

¹²Hiche jeng a jong chun kagalmi ten kathi nading thang akam nalai uve. Kaman thahna ding toh gon anei un, nilhum keijin kathi nading agong taovin ahi.

¹³Hinlah ken eikigih naho jouse chu kakijah mosah in, chulehamasang uvah apaomo banginthipbeh in kaumtai.

¹⁴Imacha jahloudingkanominchulehdonbutnajongdonbutlouiding kanom e.

¹⁵Ajeh chu O Pakai nangma ngahjinga um a kahi. Nangin kataonaneidonbut tei ding ahi O Pakaika Pathen.