La Bu 147:14-20

¹⁴Aman nagamgi tin-uva chamna alensah in, chule nagilkel nauvah an twitah’in navah uvin ahi.

¹⁵Vannoi leiset chunga thu-apeh teng jongleh aman gang in ahi.

¹⁶Aman buhbang jeng jong samul abahsah jin, chule dai-kai jong vutvam kithejal abahsah jin ahi.

¹⁷Gel-chang jong an kisunglha abahsah jin, hitobang dap ma-anga ding jou ding koiham?

¹⁸Chujouteng Aman thu apen ahileh ajunlha gamji tan, Aman hui chu asol’in ahileh buhbangho chu twijin alongji tai.

¹⁹Aman Jacob henga thu aseipeh in, Israel kom’a adan thupeh hole athuhil hochu ahilchen in ahi.

²⁰Hitobang hi namdang ho jah’a aseipeh pon, amahon athuhil jong ahepouvin ahi. Pakai vahchoijin umhen!