KURINṮH̱UUS SU/ 11:8-16

⁸Aha/ ’tulkina to ’pena ḵaniisan tiya mo mmobu’thkika/ to gun c̱inu ’peni uni mo goma thip̱ jin miinuwa thip̱ mo, ki mii gi wakan mo mmomii um to mo be.

⁹Dhali ki aha/ nyaḵa di ki um mo dhali aha/ hara to mo tani aha/ dinaki kar jan ṯal ’deŋ kamu/ ton diṯi’d ibwa mo haali/ tom pem jin taka/ mo tani ’kokunu mo mmothip̱ aha/ ’pena waḵ mo uni gun p̱u’dkin mo ’peni Pam Makiduniyya mo be. Wakan aha/ tuḵkina is mo dhali aha/ mina isi tuḵ mo ’peni mo si’da/ jin ’konu ki ton diṯin ibwa mo e um mo eya ris ’twaŋkal kuku/ mo.

¹⁰Me’d gwoŋ gana/ ma Ḵrisṯẖos jin diki’d e aha/ mo tani ’bam pem jin karka/ ki ca mo tani aha/ mina ’twa/ diki ’dap̱ mo e bampa/ gi Pa Aḵaa/iya mo be.

¹¹Dhali kataye? Haali/ aha/ dinaki en uma? Arumgimis mishki’d ki aha/ ena um mo be.

¹²Dhali a’di jin miikika/ mo tani aha/ mina ṯikir a’di mii mo jin miga/ non uni gwansan kun se gwo i is mo, uni gun dhuki ’bam buni ki ca mo gom gwo jin hashu uni mo ki uni gun mini ’taki se gwo i is mo mmo/o ki uni i miiki mii mo ki mii ma garrne/ mo me’d aman mo be.

¹³Haali/ ’kwani gi wakan ta uni gun dhunu ki she/ mo gun ta thus mo dhali imanmiiya ṯu’c gun he’kkina he’k e mo, kun warki is buniŋ gana/ ki uni ma Ḵrisṯẖos kun dhunu ki she/ mo.

¹⁴Dhali mo jin meru di’da? Haali/ isi kani aSeṯaan warki is pitiŋ gana/ ka man’doyu gwo gi moŋkush mo be.

¹⁵Wakan a’di yisa ta to jin meru waḵki/ c̱iŋkinam piti si’da/ warki is buni me’d is gi c̱iŋkina/ gi mo ma ḵar/e mo be. Hili ’pemen buni mini ’ko isi ki miim buni gun miikina uni mo be.

¹⁶Aha/ rasha gwo e mo ba/. Dhalki wathin ṯal ’deŋ kamu/ midi mii diki ṯosh ki aha/ tana p̱us mo. Hili isi kani waḵki/ um ṯoshkin kan mo tani budhi aha/ mo ma me’d wathim p̱us mo, wakan ki aha/ gara/ mina ’taki kar ari ’ba/ ki ca mo.