2 ቆሮንቶሳ 11:8-16

⁸ታኒ ሂንቴው ኦꬃናው ሃራ ዎሳ ኬꬃታፔ ሚሼ ቦንቃ ኤካስ።

⁹ታ ሂንቴራ ዴዒያ ዎዴ ታና ሜቲንካ ሂንቴፌ ኢሲ ኣሲካ ዋይሳቢኬ። ማቄዶኒያፔ ዪዳ ኣማኔይሳቲ ታና ኮሺያባ ኡባን ማዲዶሶና። ሃቺ ጋካናው ታ ሂንቴው ቶሆ ጊዳቢኬ ሲንꬃስካ ቶሆ ጊዲኬ።

¹⁰ኪሪስቶሳ ቱማቴꬃይ ታናን ዴዒሺን፥ ታ ጬቁዋ ኣካያ ቢታን ታና ኦኒካ ዲጌና።

¹¹ታ ሃይሳ ኣይስ ጋይና? ሂንቴና ዶሶና ጊሾሴዬ? ታኒ ሂንቴና ዶሴይሳ ፆሳይ ኤሬስ።

¹²«ኑካ ሂንቴ ሜላ ኦꬆስ» ያጊዲ ጬቂያ ሃንኮ ሃዋሬታ ጬቁዋ ጋሱዋ ꬋይሳናው ሃዒ ታ ኦꬄይሳ ሲንꬃስካ ኦꬃና።

¹³ሃይሳ ሜላ ኣሳቲ ኪሪስቶሳ ሃዋሬ ዳናናው ባንታና ላሚያ ዎርዳንቾ ሃዋሬታኔ ጪሚያ ኦሳንቾታ።

¹⁴ሄሲ ማላሊሲያባ ጊዴና፤ ኣይስ ጊኮ፥ ፃላሄይ ፖዖ ኪታንቾ ዳናናው ባና ላሜስ።

¹⁵ሄሳ ጊሾ፥ ፃላሄ ኦሳንቾቲ ፂሎቴꬃ ኦሳንቾታ ዳናናው ባንታና ላሚኮ ሄሲ ጊታባ ጊዴና። ኤንቲ ዉርሴꬃን ባንታ ኦሱዋዳ ኤካና።

¹⁶ኦኒካ ታና ኤያ ጊዲ ቆፖና ሜላ ዛራዳካ ኦዳይስ። ታ ሂንቴው ኤያ ዳኒኮካ ታ ጉꬃራ ጬቄታና ሜላ ታና ኤያ ኦꬂዲ ኤኪቴ።