Kolesaga Koneai Bidigo Pusali Po Elalubo Buku 5:2-6

²Homu kone bugagia bolo palama, tama nosali nage hogodama, po pusao. Te nago God dali po mibo sogo, nago po hauwa odolali wagio. Magi baso meni, dagalude bidibo Godigo bomo genuai elalubao, tama da olo bidi e tǫde naga bidibao. Tibaso, nago po hauwa aga dali me olamo dao.

³Te nai hauwade nago moni homu hauwa dogia peyu da, te nago na hauwa yabuo. Te nago po me hauwa obaso da, teda nago po gani bole odolali weyu, te wabo pabo bidigo po wabo tiwai igio wali.

⁴Te nago Godiba po dąų wai digi, nago te dąų wali po polo usu nao. Godigo te dwagi yai homu kolesaga sabo hagela homu ebo bidi dali dwagi yai homu egobeo. Tama tibaso, nago te dąų walali po polo usu nao.

⁵Ma, nago te dąų walobo po wasiąbaso da, teda te usu dao. Tiali goli, nago God dali bomai po me deli dąų walobo po wai digi, tama nago te dąų wali po wali pisąbaso da, teda te dwai mu dao.

⁶Tiyu, nago po odolali dąų wali digi te nage sęgę sabuo. Te nago po me deli dąų waibaso da, teda nago nosali prisba te tama po ma waligio, nago bugagia homu kone palisąma, nago te po dąų wali. Magi baso te Godigo nage dali haliga sębę ilibaso, te agai nago sę dene elama sali nai dabe dolabuo.