KOHELETE 7:4-10

⁴Aonega taudia lalodia na taitai rumana ai, a kavakava taudia lalodia na kiri rumana ai.

⁵Aonega tauna ena gwau-gwau e hakala heniamu tauna be namo, kavakava taudia edia ane e kamonaimu tauna na dika.

⁶Kavakava taudia edia kiri na au ginigini uro henunai e aramu reḡedia na heheto; ina danu asi anina.

⁷Momokani, hahehisi ese aonega tauna e hakavaiamu. bona koikoi henitaona ese lalona e hamiroamu.

⁸Kara dokona ese kara matamana e hereaiamu, bona lalo-manau ese lalo-heaḡi e hereaiamu.

⁹Basio badu haraḡa, badina be badu ese kavakava taudia lalodia e noho henidiamu.

¹⁰Basioto “Dahaka dainai nega gunadia ese ina nega e hereaia?” Badina be dia aonega amo so henanadaimu.