KOHELETE 1:7-14

⁷Sinavai iboudiai na davara ai e aru lasimu, a davara na se honumu; sinavai ese e aru henidia gunava gabudia ma e aru henidia loumu.

⁸Ḡau iboudiai na hekwarahi ai e honumu; tau ta basine herevalaia diba. Mata be basine itaia ore; taia be basine kamonai ḡuḡuru.

⁹E vara guna ḡauna ma baine vara lou; e karaia guna karana ma bae karaia lou; ḡau matamatana ta se miamu, dina henunai.

¹⁰Ḡau be edena, bae herevalaia, baeto “A itaia, ina na matamata”? Lasi, nega gunadia ai e miava, ita do asita vara negadia ai.

¹¹E vara guna ḡaudia na ta ese se lalodia taomu, bona do bae vara ḡaudia na ta ese basine lalodia tao, gabeai bae vara urudia lalodiai.

¹²Lau, Haroro Tauna, ese Israel taudia na biagudia Ierusalem ai.

¹³Bena guba henunai e karamu karadia iboudiai na tahudia, mai lalogu idoinai bona mai aonegagu ida. Dirava ese taunimanima natudia unu vada e hahekwarahidia tomamu.

¹⁴Dina henunai e karamu karadia iboudiai vada na itadia; iboudiai na asi anidia, lai ianina na heto.