KOHELETE 11:2-7

²Hahitu eiava taurahani ahudia ba henidia, badina be asi dibamu dahaka hahedika ḡaudia na tanobada ai bae vara.

³Dagadaga na ranu ai bema honu, idia ese medu bema hadihoa tanobada latanai; bona au na diho kahana eiava mirigini kahana bema gari henia, ia na e gari heniamu gabuna ai bema mia.

⁴Lai e nariamu tauna na uhe basine hado, bona dagadaga e ita taomu tauna na basine geiḡei.

⁵Lai ede e toa tomamu na asi dibamu; mero matamatana turiana na sinana bogana ai ede e vara tomamu danu asi dibamu; benaini, ḡau iboudiai ikaradia Diravana ena ḡaukara danu asi dibamu.

⁶Daba ai emu uhe ba hado, bona adorahi ai danu basio hesiku; badina be asi dibamu ina baine namo eiava una baine namo, eiava ruaosi bae namo.

⁷Diari be namo, bona matada ese dina e itaiamu na mai moalena.