Kiitisae 20:18-38 in Susu

¹⁸ E naxa te Beteli, e Ala maxɔrin, «Nde singe tema muxu ya ma a xa Bunyaminkae gere?» Alatala naxa e yaabi, «Yudayakae singe xa na gere fɔlɔ.»

¹⁹ Gɛɛsɛgɛ, Isirayilakae naxa kuru Gibiya xili ma.

²⁰ E naxa Bunyaminkae gere Gibiya ya tagi.

²¹ Bunyaminka naxee keli Gibiya, nee naxa Isirayilaka wulu mɔxɔɲɛn nun firin faxa.

²² Na dangi xanbi, Isirayilakae naxa limaniya, e man naxa te Bunyaminkae xili ma, e nu na dɛnnaxɛ na lɔxɔɛ singe.

²³ E man naxa te Beteli, e naxa wa han nunmare, e fa Alatala maxɔrin, «A lanma muxu man xa Bunyaminkae gere, muxu ngaxakerenyie?» Alatala naxa e yaabi, «Wo e gere.»

²⁴ Awa na xi firin nde, Isirayilakae man naxa te Bunyamin xa die xili ma.

²⁵ Na lɔxɔɛ Bunyaminka naxee keli Gibiya naxa Isirayila xɛmɛ wulu fu nun solomasaxan faxa santidɛgɛma ra.

²⁶ Na tɛmui Isirayilakae birin naxa te Beteli, e naxa wa Alatala ya i. E naxa sunyi suxu han nunmare, e sɛrɛxɛ gan daaxi nun xanunteya sɛrɛxɛ ba Alatala bɛ.

²⁷ E naxa Alatala xa marasi fen. Na waxati Ala xa saatɛ kankira nu na Beteli.

²⁸ Finexasi, Eleyasari xa di, Haruna xa mamadi, nu a ɲɛngi saxi na birin xɔn ma. E naxa Ala maxɔrin, «A lanma muxu man xa te Bunyaminkae xili ma, muxu ngaxakerenyie, ka a lanma muxu xa gere lu naa?» Alatala naxa e yaabi, «Wo man xa gere so. Tina n e sama wo sagoe.»

²⁹ Na tɛmui Isirayilakae naxa Gibiya mɛlɛn.

³⁰ E to te Bunyaminkae xili ma Gibiya ya tagi e nu na dɛnnaxɛ boore biyaasi,

³¹ Bunyamin xa die naxa mini e gerede. E naxa mixi tongo saxan faxa Beteli nun Gibiya kirae xɔn ma.

³² Bunyaminkae naxa a fala e booree bɛ, «Won man na e bɔnbɔfe nɛ yi ki alɔ a singe,» kɔnɔ Isirayilakae tan nu bara a fala e boore bɛ, «Won xa won makuya taa ra, e xa bira won fɔxɔ ra kirae xɔn ma.»

³³ Isirayila xɛmɛe naxa e malan Bali Tamari. Naxee nu na Gibiya mɛlɛnfe, nee fan naxa mini kɛnɛ ma.

³⁴ Isirayila sɔɔri fanyi wulu fu naxa Gibiya gere a ɲaaxi ra. Bunyaminkae mu gɛxi a kolonde gbaloe nu bara e li.

³⁵ Alatala naxa Bunyamin bɔnsɔɛ bɔnbɔ Isirayila ya xɔri. Xɛmɛ santidɛgɛma kanyi wulu mɔxɔɲɛn nun suuli, xɛmɛ kɛmɛ naxa faxa na lɔxɔɛ.

³⁶ Bunyamin xa die naxa a kolon e mu geenixi yi biyaasi. Isirayilakae naxa a lu e xa gbilen Gibiya mabiri, barima e a kolon sɔɔri gbɛtɛe nu na e mɛlɛnfe.

³⁷ Sɔɔri naxee nu Gibiya mɛlɛnfe, nee naxa so taa kui keren na, e mixi birin faxa santidɛgɛma ra.

³⁸ E nu bara lan a ma e xa tɛ so taa ra, tuuri gbegbe xa te koore ma.

¹⁸ عٍ نَشَ تٍ بٍتٍلِ، عٍ عَلَ مَشْرِن، «ندٍ سِنفٍ تٍمَ مُشُ يَ مَ عَ شَ بُنيَمِنكَيٍ فٍرٍ؟» عَلَتَلَ نَشَ عٍ يَابِ، «يُدَيَكَيٍ سِنفٍ شَ نَ فٍرٍ قْلْ.»

¹⁹ فّيسّفّ، عِسِرَيِلَكَيٍ نَشَ كُرُ فِبِيَ شِلِ مَ.

²⁰ عٍ نَشَ بُنيَمِنكَيٍ فٍرٍ فِبِيَ يَ تَفِ.

²¹ بُنيَمِنكَ نَشٍيٍ كٍلِ فِبِيَ، نٍيٍ نَشَ عِسِرَيِلَكَ وُلُ مْشْحّن نُن قِرِن قَشَ.

²² نَ دَنفِ شَنبِ، عِسِرَيِلَكَيٍ نَشَ لِمَنِيَ، عٍ مَن نَشَ تٍ بُنيَمِنكَيٍ شِلِ مَ، عٍ نُ نَ دّننَشّ نَ لْشْي سِنفٍ.

²³ عٍ مَن نَشَ تٍ بٍتٍلِ، عٍ نَشَ وَ هَن نُنمَرٍ، عٍ قَ عَلَتَلَ مَشْرِن، «عَ لَنمَ مُشُ مَن شَ بُنيَمِنكَيٍ فٍرٍ، مُشُ نفَشَكٍرٍنيِيٍ؟» عَلَتَلَ نَشَ عٍ يَابِ، «وٌ عٍ فٍرٍ.»

²⁴ عَوَ نَ شِ قِرِن ندٍ، عِسِرَيِلَكَيٍ مَن نَشَ تٍ بُنيَمِن شَ دِيٍ شِلِ مَ.

²⁵ نَ لْشْي بُنيَمِنكَ نَشٍيٍ كٍلِ فِبِيَ نَشَ عِسِرَيِلَ شّمّ وُلُ قُ نُن سٌلٌمَسَشَن قَشَ سَنتِدّفّمَ رَ.

²⁶ نَ تّمُي عِسِرَيِلَكَيٍ بِرِن نَشَ تٍ بٍتٍلِ، عٍ نَشَ وَ عَلَتَلَ يَ عِ. عٍ نَشَ سُنيِ سُشُ هَن نُنمَرٍ، عٍ سّرّشّ فَن دَاشِ نُن شَنُنتٍيَ سّرّشّ بَ عَلَتَلَ بّ.

²⁷ عٍ نَشَ عَلَتَلَ شَ مَرَ سِ قٍن. نَ وَشَتِ عَلَ شَ سَاتّ كَنكِرَ نُ نَ بٍتٍلِ.

²⁸ قِنٍشَسِ، عٍلٍيَسَرِ شَ دِ، هَرُنَ شَ مَمَدِ، نُ عَ حّنفِ سَشِ نَ بِرِن شْن مَ. عٍ نَشَ عَلَ مَشْرِن، «عَ لَنمَ مُشُ مَن شَ تٍ بُنيَمِنكَيٍ شِلِ مَ، مُشُ نفَشَكٍرٍنيِيٍ، كَ عَ لَنمَ مُشُ شَ فٍرٍ لُ نَا؟» عَلَتَلَ نَشَ عٍ يَابِ، «وٌ مَن شَ فٍرٍ سٌ. تِنَ ﭑ عٍ سَمَ وٌ سَفٌي.»

²⁹ نَ تّمُي عِسِرَيِلَكَيٍ نَشَ فِبِيَ مّلّن.

³⁰ عٍ تٌ تٍ بُنيَمِنكَيٍ شِلِ مَ فِبِيَ يَ تَفِ عٍ نُ نَ دّننَشّ بٌورٍ بِيَاسِ،

³¹ بُنيَمِن شَ دِيٍ نَشَ مِنِ عٍ فٍرٍدٍ. عٍ نَشَ مِشِ تٌنفٌ سَشَن قَشَ بٍتٍلِ نُن فِبِيَ كِرَيٍ شْن مَ.

³² بُنيَمِنكَيٍ نَشَ عَ قَلَ عٍ بٌورٍيٍ بّ، «وٌن مَن نَ عٍ بْنبْقٍ نّ يِ كِ عَلْ عَ سِنفٍ،» كْنْ عِسِرَيِلَكَيٍ تَن نُ بَرَ عَ قَلَ عٍ بٌورٍ بّ، «وٌن شَ وٌن مَكُيَ تَا رَ، عٍ شَ بِرَ وٌن قْشْ رَ كِرَيٍ شْن مَ.»

³³ عِسِرَيِلَ شّمّيٍ نَشَ عٍ مَلَن بَلِ تَمَرِ. نَشٍيٍ نُ نَ فِبِيَ مّلّنقٍ، نٍيٍ قَن نَشَ مِنِ كّنّ مَ.

³⁴ عِسِرَيِلَ سْورِ قَنيِ وُلُ قُ نَشَ فِبِيَ فٍرٍ عَ حَاشِ رَ. بُنيَمِنكَيٍ مُ فّشِ عَ كٌلٌندٍ فبَلٌي نُ بَرَ عٍ لِ.

³⁵ عَلَتَلَ نَشَ بُنيَمِن بْنسْي بْنبْ عِسِرَيِلَ يَ شْرِ. شّمّ سَنتِدّفّمَ كَنيِ وُلُ مْشْحّن نُن سُولِ، شّمّ كّمّ نَشَ قَشَ نَ لْشْي.

³⁶ بُنيَمِن شَ دِيٍ نَشَ عَ كٌلٌن عٍ مُ فٍينِشِ يِ بِيَاسِ. عِسِرَيِلَكَيٍ نَشَ عَ لُ عٍ شَ فبِلٍن فِبِيَ مَبِرِ، بَرِ مَ عٍ عَ كٌلٌن سْورِ فبّتّيٍ نُ نَ عٍ مّلّنقٍ.

³⁷ سْورِ نَشٍيٍ نُ فِبِيَ مّلّنقٍ، نٍيٍ نَشَ سٌ تَا كُي كٍرٍن نَ، عٍ مِشِ بِرِن قَشَ سَنتِدّفّمَ رَ.

³⁸ عٍ نُ بَرَ لَن عَ مَ عٍ شَ تّ سٌ تَا رَ، تُورِ فبٍفبٍ شَ تٍ كٌورٍ مَ.