Kap 71:5-15

⁵Amɨn Tagɨ Yawe, gak dasi pulugaŋ nepdɨsal yaŋ nandaŋek egɨsat. Nak monɨŋɨsogon da nandaŋ gadaŋ gamɨŋ aŋaŋ wɨgɨm.

⁶Meŋno da nak aŋalaŋban gak da kɨla aŋaki wɨk da abɨsok egɨsat. Yaŋ asal do bɨsapmɨ bɨsapmɨ mango yaŋ aŋkɨsiŋ kɨmokgeŋ.

⁷Amɨn morapmɨ nandaŋakwa yo noman taŋ namɨŋakwa yaŋ nandaŋ, gak kaloŋ dagɨn tagɨsi aŋkutnosol.

⁸Gɨldat kɨnda kaloŋ nak gak dakon man awɨgɨsat, aŋek mɨŋat amɨnyokon gak dakon tɨlɨmgo do yaŋ teŋteŋok asat.

⁹Abɨsok nak amɨn pelaŋ kɨlɨ at, do tapmɨmno mɨnisi. Gak nepmaŋ degek manji dɨ nabɨm.

¹⁰Uwalno nɨkba kɨmokgeŋ do muwugek aŋupbal ak do gen yaŋ paŋteban aŋ.

¹¹Uŋun yaŋ yoŋ, “Kɨlɨ yolek abɨdono. Uŋun aŋpulugosak amɨn kɨnda dɨma egɨsak. Piŋkop kɨlɨ yɨpmaŋ dekgɨt.”

¹²Piŋkop, dubagɨkon dɨma egɨpbi. Piŋkopno, tepmɨsi abɨŋek nak aŋpulugoki.

¹³Gen yaŋ namaŋ amɨn uŋun pabɨŋ yopmaŋek dapbɨ pasɨlni. Nak aŋupbal ak do nandaŋ, do gak da paŋɨŋtok aŋek madepsi paŋmayak abi dosi nandɨsat.

¹⁴Mani nak toktogɨsi gak nandaŋ gadaŋ gamɨŋek aŋpulugoki do jomjom abeŋ. Mango madepsi sigɨn awɨgɨkeŋ.

¹⁵Aŋpakgo kɨlegɨsi uŋun do amɨn yoyɨkeŋ. Yo masɨ masɨmɨ morapmɨsi nagon agɨl uŋun arɨpmɨ dɨma manjɨŋ mudogɨ, do gɨldat kɨnda kaloŋ gak do nandaŋ egek pulugaŋ nepgul uŋun dakon geni amɨn yoyɨkeŋ.