Kap 139:15-24

¹⁵Meŋ da butgwan pasɨlɨ tamogwan tagok tagok agɨm bɨsapmon gak da pɨndagaki kɨdat morapno tagaŋek notnikon saŋbewit.

¹⁶Meŋ da dɨma aŋalaŋakwan kɨlɨ nandagɨl. Nak mɨktɨmon dɨma altagɨm, mani gak da gɨldarɨ gɨldarɨ mɨktɨmon egɨpbeŋ do nandagɨl uŋun papiagokon kɨlɨ mandagɨl.

¹⁷Piŋkop, nandak nandak morapgo uŋun wagɨl tagɨsisi. Nandak nandakgo uŋun madepsi, amɨn da arɨpmɨ dɨma manjɨrɨ.

¹⁸Gak da nandɨsal yo morap manjɨkeŋ kaŋ, tap ɨleŋon nɨman morap yapjak. Dɨpmɨnon da pɨdosot bɨsapmon nak gak gat sigɨn egɨsat.

¹⁹Piŋkop, amɨn yokwi dapbɨ kɨmotni do nandɨsat. Amɨn dapdap amɨn ji nepmaŋ dek kɨt!

²⁰Uŋun amɨn da gak do gen yokwi yoŋ, ae gak dakon man do gen gɨreŋ yoŋ.

²¹Yawe, nak amɨn gak do kuragɨ nandaŋ amɨn do kuragɨ nandaŋ yomɨsat. Ae amɨn kwen wɨgɨk aŋgamaŋ amɨn do nandaba yokwi tok aŋ yomɨsat.

²²Asisi, nak uŋun amɨn do kuragɨsi nandɨsat. Uŋun pɨndakgo nak dakon uwalno aŋ.

²³Piŋkop, kokwin tagɨsi aŋek nak dakon nandak nandak morap butnokon toŋ uŋun do nandaki. Aŋkewalek nandak nandak morapno do pakyaŋsi nandaki.

²⁴Egɨp egɨpno kokwin tagɨsi abi. Aŋpak yokwi dɨ nandak nandaknokon dɨ taŋbam. Egɨp egɨp teban dakon kosit naŋ aŋaŋ kɨki.